أحتاج لك في غربتي كل ماضقـت
ودي كفوفك تمسح دمـوع عينـي
أنت الحنون اللي بروحـه تعلقـت
وأحس في روحك تعانـق حنينـي
تعال خذني من تعب ماضي الوقت
واطمس ملامح صـورة ِ تعترينـي
صوره تكدر خاطري كل مارقـت
وأخاف من جرح ِ بمثلـه يجينـي
اغيب ورجع من غيابي الى فقـت
من حلم روعنـي وزلـزل يقينـي
الناس تفرق عن بعض لا تعمقـت
أجناس خلـق الله بعمـر السنينـي
شفت الحقيقه في عيوني وصدقـت
وهمسك يبدد هاجس الشـك فينـي
والحين كلي لك وطن شوق لاأشتقت
وأنت الوطن في غربتي تحتوينـي
أحتاج لك في كل لحظة الى ضقت
ودي تسولف لك عن الشوق عينـي
موضوع: أحتاج لك في غربتي كل ماضقـت 
