بسم الله الرحمن الرحيم
السلام عليكم ورحمة الله وبركاتة
أنا بدي أحكيلكم قصة طالب ذكي
في طالب في الجامعة كان عنده مادة من المواد اللي بيدرسها مختصة بعالم الطيور ..ولما قرب امتحان المادة آخر السنة .. الطالب راجع وراجع لحد ما شقف حالو من الدرس.
المهم.. دخل الامتحان وهو واثق مليون في المائة إنه جاهز ورح ينجح وبتفوق كمان..
المفاجأة انو الأستاذ جبلو سؤال واحد بس ..
السؤال كان عبارة عن صور لأرجل بعض الطيور ..
والمطلوب معرفة أسماء الطيور من شكل رجليها بس!!
صاحبنا عصب وضرب راسو وما عرف يحل السؤال.. قام من الكرسي وراح لعند الأستاذ وسلم ورقته فاضية وقالو : تضرب انـت ومادتك.. ..
رد عليه الإستاذ ببرود وقالو : اعتبر نفسك رسبان بالمادة يا حبيبي ..
بعد شوي.. لاحظ الأستاذ أنو الطالب ما كتب اسمه على ورقة الإجابة ..
قالو بنرفزة : وين اسمك على الورقة يا ولد ؟
قام الطالب رفع بنطلونه لفوق لعند ركبته وقالو
:
أمـانة عليك تقدر تعرف اسمي من شكل رجليي !!